പൂത്തൃക്ക
ഗ്രാമ പഞ്ചായത്ത്

പൂത്തൃക്ക ഗ്രാമപഞ്ചായത്തിലെ പ്രധാന ഘടക സ്ഥാപനങ്ങളിലൊന്നാണ് ഗവൺമെന്റ് വെറ്ററിനറി ആശുപത്രി. പ്രദേശത്തെ കന്നുകാലികളുടെയും വളർത്തുമൃഗങ്ങളുടെയും ആരോഗ്യ സംരക്ഷണം ഉറപ്പാക്കുക എന്ന ലക്ഷ്യത്തോടെ ഈ സ്ഥാപനം പ്രവർത്തിച്ചുവരുന്നു. രോഗനിർണയം, ചികിത്സ, പ്രതിരോധ കുത്തിവയ്പ്പ്, കൃത്രിമ ബീജസങ്കലനം, മൃഗസംരക്ഷണവുമായി ബന്ധപ്പെട്ട സാങ്കേതിക നിർദ്ദേശങ്ങൾ എന്നിവ ഇവിടെ ലഭ്യമാക്കുന്നു. ക്ഷീരകർഷകരുടെയും മറ്റ് മൃഗസംരക്ഷകരുടെയും ഉൽപാദനക്ഷമത വർധിപ്പിക്കുന്നതിലും മൃഗാരോഗ്യം മെച്ചപ്പെടുത്തുന്നതിലും ആശുപത്രി നിർണായക പങ്കുവഹിക്കുന്നു. വെറ്ററിനറി ആശുപത്രിയോട് അനുബന്ധമായി തെരുവ് നായകളുടെ ജനസംഖ്യ നിയന്ത്രിക്കുന്നതിനും പൊതുജനാരോഗ്യം സംരക്ഷിക്കുന്നതിനുമായി എ.ബി.സി. (Animal Birth Control) സെന്ററും പ്രവർത്തിച്ചുവരുന്നു. മീമ്പാറയിൽ ഒരു സബ് സെന്ററും പ്രവർത്തിക്കുന്നുണ്ട്.